ღრმა თოვლისთვის განკუთვნილი თოვლმავლები

დაწყებული დასაჯდომი ადგილებიდან და დამთავრებული ამძრავი სისტემებითა და ძრავებით, თოვლამვლებს შორის რამდენიმე განსხვავება არსებობს. ჩვეულებრივ, ღრმა თოვლისთვის განკუთვნილი თოვლმავლები უფრო გრძელ მანძილზე გადაადგილდება, უზრუნველყოფს გამავლობას და თხელი და კომპაქტური დიზაინის წყალობით იძლევა რთულ რელიეფურ პირობებში მარტივად მანევრირების საშუალებას.  ამის საპირისპიროდ, გაუკვალავი გზებისთვის განკუთვნილი თოვლმავლები უფრო ფართო დიზაინის მოდელებით ამარტივებს რთულ რელიეფზე წონასწორობის შენარჩუნებას და ფრთხილად მოხვევას. ისინი განკუთვნილია შედარებით მოკლე მანძილისთვის და ვიწრო მოსახვევებში მაღალი სიჩქარით მანევრირებაც მარტივია.

ღრმა თოვლში თოვლმავლით გადაადგილებას თავისი სირთულეები ახლავს. აუცილებელია იმპულსის შენარჩუნება და დროსელის გამოყენება სიჩქარის შესანარჩუნებლად და თოვლის ზედაპირზე გასაჩერებლად. ხშირ შემთხვევებში საჭიროა საჭის საპირისპირო მხარეს დატრიალება მოხვევისთვის - საჭის ერთი მიმართულებით დატრიალება და საპირისპირო მიმართულებით გადახრა. მუდმივად კონცენტრირებული უნდა იყოთ ადგილზე, სადაც გსურთ თქვენი ციგით წასვლა. დაიწყეთ ვარჯიში ნაკლებად რთულ რელიეფურ პირობებში, თანდათან მოიკრიბეთ თავდაჯერებულობა და შემდეგ შეეჭიდეთ რთულ, ღრმა თოვლით დაფარულ ბილიკებს.

ღრმა თოვლით დაფარულ ველზე მისვლა რამდენიმე გზით შეიძლება. ხშირ შემთხვევაში ამისათვის დათოვლილ ბილიკს უნდა გაუყვეთ. ასეთი ადგილების უმეტესობა საჯარო საკუთრებაში არსებულ ტერიტორიებზეა, მათ შორის ეროვნულ ტყეებში და სახელმწიფოს მიერ მართულ სხვა ტერიტორიებზე. აუცილებელია იხილოთ სასურველი ადგილის რუკა ან ადგილობრივ კლუბებსა თუ გარემოსდამცველ ორგანიზაციებს სთხოვოთ რჩევა. რა ადგილიც არ უნდა აირჩიოთ, აუცილებელია პატივი სცეთ კერძო საკუთრებას და დაემორჩილოთ ასეთ ტერიტორიაზე ძრავიანი სატრანსპორტო საშუალებით გადაადგილებასთან დაკავშირებით დაწესებულ შეზღუდვებს.

თოვლი ზედმეტი არასოდესაა! Ski-Doo-ს ღრმა თოვლში გადაადგილებისთვის განკუთვნილი მოდელები აღჭურვილია უფრო გრძელი მუხლუხებით და გთავაზობთ უფრო დიდი ფართობის მქონე საკონტაქტო ზედაპირს. შეინარჩუნეთ სიჩქარე და უმარტივესად გადაადგილდით სეზონის ყველაზე თოვლიან დღეებშიც კი.